फाल्गुन २४, डोटी ।
‘सबै महिला तथा बालिकाको लागि : अधिकार, समानता र सशक्तिकरण’ भन्ने मूल नाराका साथ संसारभर विभिन्न कार्यक्रमका साथ आज एक सय १५औँ अन्तरराष्ट्रिय महिला दिवस मनाइदैछ ।
सरकार र सरोकारवाला निकाय तथा विभिन्न महिला संगठनले यस दिवसका अवसरमा विभिन्न कार्यक्रम आयोजना गरी भव्यताका साथ मनाउने तयारी गरेका छन् । महिला, बालबालिका तथा ज्येष्ठ नागरिक मन्त्रालयले प्रहरी प्रधान कार्यालयमा विशेष समारोहको आयोजना गरेको छ । विभिन्न राजनीतिक दल सम्वद्ध महिला संगठनले पनि अन्तरराष्ट्रिय महिला दिवसको कार्यक्रम तय गरेका छन् ।
विश्वभरी विभिन्न क्षेत्रमा कार्यरत महिलाको आर्थिक, राजनीतिक र सामाजिक उपलब्धि स्मरण गर्दै महिलाको प्रविधिमा पहुँचको विस्तार गर्ने, महिला सशक्तिकरण अभिवृद्धि गर्ने, लैङ्गिक असमानता र हिंसाजन्य क्रियाकलाप निर्मूल गर्ने यस दिवसले लक्ष्य राखेको छ । यस्तै महिलालाई शिक्षित र आत्मनिर्भर बनाउने एवम् उचित सम्मान गर्नेलगायतका उद्देश्य पनि यस दिवसको रहेको छ ।
नेपालको संविधानले कुनैपनि धर्म, संस्कृति, संस्कार, प्रथा, परम्परा, प्रचलन वा अन्य कुनै पनि आधारमा हुने सबै प्रकारका विभेद, शोषण र अन्यायको अन्त्य गरी सभ्य र समतामूलक समाजको निर्माण गर्ने नीति लिएको छ ।
यस्तै, महिलाको हक मौलिक हकको रूपमा स्थापित गरेको छ । समानुपातिक समाबेशी सिद्धान्तका आधारमा राज्यको राजनीतिक तथा प्रशासनिक जीवनमा अर्थपूर्ण रुपमा महिलाको सहभागिता बढदै गएको छ । हाल सङ्घीय संसद्मा ३४ प्रतिशत, प्रदेशसभामा ३६ दशमलव पाँच र स्थानीय तहमा ४१ दशमलव एक प्रतिशत महिला जनप्रतिनिधि छन् । यसैगरी निजामती सेवामा अहिले करिव २८ प्रतिशत महिला कर्मचारीको उपस्थिती छ ।
समाजमा रहेका खराब अभ्यास एवम् प्रथाको कारण किशोरी तथा बालिकामाथि हुने शारीरिक तथा मानसिक हिंसाका घटना बढ्ने यस्ता प्रथालाई अन्त्य गर्न सबैको सार्थक पहल जरुरी रहन्छ । शिक्षा, स्वास्थ्य, रोजगारी, नीति निर्माण एवम् निर्णय प्रक्रिया, राजनीतिजस्ता राज्यका हरेक क्षेत्रमा महिलाको पहुँच समानरूपमा सुनिश्चित गर्नका लागि अझै मेहनत आवश्यक छ ।
सन् १९७५ देखि संयुक्त राष्ट्र सङ्घले नारी दिवस मनाउन थालेको हो । पहिलो नारी दिवसको नारा ‘विगतलाई उत्सवको रूपमा मनाउने र भविष्यको योजना बनाउने’ तय गरिएको थियो । सन् १९०८ को मार्च ८ मा अमेरिकामा १५ हजार बढी महिलालले दैनिक काम गर्ने समय घटाउनुपर्ने, राम्रो तलब पाउनुपर्ने र मतदानको अधिकार दिनुपर्ने माग राख्दै प्रदर्शन गरका थिए । सोही प्रदर्शनपछि संसारभर नै महिला अधिकारको बारेमा चर्चा हुने थालेको बताइन्छ । महिला हक र अधिकारको माग सारेर महिलालले नै संघर्ष शुरु गरेको दिनको स्मरणमा यो दिवस मनाइन्छ ।
डोटी: डोटी जिल्ला स्तरीय १५ औँ राष्ट्रपति रनिङ शिल्डको उपाधी जोरायल गाउँपालिकाले हात पारेको छ ।
डोटीका नौ वटै स्थानीय तहको सहभागिता रहेको प्रतियोगितामा जोरायल गाउँपालिकाले १७ स्वर्ण, १८ रजत र ९ कास्य गरी कुल ४४ पदक सहित प्रथम उपाधी उचालेको हो । त्यसैगरी दिपायल सिलगढी नगरपालिकाले १० स्वर्ण, ३ रजत र १२ कास्य गरी २५ पदक सहित दोस्रो स्थान ओगटेको छ भने शिखर नगरपालिकाले ७ स्वर्ण, ७ रजत र ५ कास्य सहित जम्मा १९ पदक सहित तेस्रो स्थान ओगटेको छ ।
त्यस्तै आदर्श गाउँपालिकाले ७ स्वर्ण, २ रजत र ४ कास्य गरी १३ पदक, बडिकेदार गाउँपालिकाले ४ स्वर्ण, १४ रजत र ९ कास्य गरी २७ पदक, के.आई.सिंह गाउँपालिकाले ४ स्वर्ण, ६ रजत र ५ कास्य गरी १५ पदक हात पार्न सफल भएका छन् ।
त्यसैगरी बोगटान फुडसिल गाउँपालिकाले ४ स्वर्ण, २ रजत र १ कास्य गरी ७ पदक, पूर्वीचौकी गाउँपालिकाले १ स्वर्ण र ४ कास्य गरी ५ पदक र सायल गाउँपालिकाले १ रजत र २ कास्य गरी ३ पदक प्राप्त गर्न सफल भएका छन् ।
बडिकेदार गाउँपालिका–१, बिपिनगरस्थित केदार सूर्य बहुमुखी क्याम्पसको खेल मैदानमा सम्पन्न प्रतियोगितामा कूल ५४ स्वर्ण, ५३ रजत र ५१ कास्य पदक रहेको जनाइएको छ।
डोटी जिल्ला खेलकुद समितिको आयोजनामा फागुन १७ देखि संचालन भएको उक्त प्रतियोगिता आज २० गते मंगलबार सम्पन्न भएको हो ।
बाजुरा ः गौमुल गाउँपालिकामा भीरबाट लडेर एक जनाको मृत्यु भएको छ । मृत्यु हुनेमा गौमुल गाउँपालिका-६ टाँडाकोट स्थायी घर भएका ५६ वर्षीया डम्मरबहादुर रोकाया रहेका छन् ।
घर नजिकैको पानीखाल भीरबाट लडेर बुधबार (आज) मृत्यु भएको हो । बाख्रा चराउन गएको बेला रुखमा घाँस काट्ने क्रममा चिप्लिएर लडेर मृत्यु भएको आफन्त दीपेन्द्र रोकायाले बताएका छन् ।
करिब एक सय मिटर तल खोचाँको खोलामा उनको लास फेला परेको उनले बताएका छन् । मृतक रोकाया कैलाश र घटाल देवताका पुजारी समेत हुन् ।
वस्तुभाउको लालन पालन गर्नका लागि जिल्लामा स्थानीयले वर्षेनी ज्यान गुमाउनु परेको छ । उनको अन्तिम संस्कार छोरा र दाई पुगे मात्र गरिने भएको छ । छोरा नेपाल प्रहरी र दाई भारतमा रहेका छन् ।
उनीहरु बिहीबार मात्र पुग्ने बुझिएको छ । एकाएक मृत्यु भएका कारण सिंगो टाँडाकोट गाउँ अहिले शोकमा परेको छ ।
डोटीका भूकम्प प्रभावितले पुनर्निर्माणका लागि पहिलो किस्ता चाँडै पाउने भएका छन् ।
धनगढीमा पत्रकारसँग कुराकानी गर्दै राष्ट्रिय विपत् जोखिम न्यूनीकरण तथा व्यवस्थापन प्राधिकरणका कार्यकारी प्रमुख डा. भीष्मकुमार भुसालले प्रभावितले चाँडै पहिलो किस्ता पाउने बताउनुभएको हो ।
उहाँले अर्को हप्ताबाट पहिलो किस्ता वितरण गर्न थाल्ने उल्लेख गर्नुभयो । भुसालले भन्नुभयो, “अब हामी अर्को हप्तादेखि डोटीका भूकम्प प्रभावितलाई आवास निर्माणका लागि पहिलो किस्ता दिन सुरु गर्छौं ।”
पहिलो किस्ताबापत प्रभावितलाई ५० हजार रुपियाँ प्रदान गरिने जनाइएको छ । २०७९ कार्तिक २२ गते राति डोटीको पूर्वी चौकी गाउँपालिका–३ केन्द्रविन्दु बनाएर ६.६ म्याग्निच्युडको भूकम्प गएको थियो ।
सो भूकम्पमा परी छ जनाको मृत्यु भएको र आठ जना घाइते भएका प्राधिकरणको स्थिति अवलोकन रिपोर्टमा उल्लेख छ । भूकम्पको धक्काले डोटीसहित अछाम, बाजुरा, बझाङ, डडेलधुरालगायतका जिल्लामा क्षति भएको थियो ।
यसैगरी प्राधिकरणका कार्यकारी प्रमुख भुसालले प्राधिकरणले विपत् जोखिम न्यूनीकरण र व्यवस्थापनका लागि सामुदायिक स्वयंसेवक उत्पादन गर्ने बताउनुभयो । त्यसका लागि एक महिनाभित्रै देशैभरि तालिम सञ्चालन गर्ने उहाँको भनाइ छ ।
डाेटी –फागुन– १९
नेकपा एमाले पुर्वीचाैकी गाउँपालिका कमिटीको अध्यक्षमा गोरख बोगटी निर्वाचित भएका छन् ।
कमिटीको दोस्रो अधिवेशन बाट अध्यक्ष गोरख बोगटी,उपाध्यक्ष प्रेम बि.क,सचिव भरत बि.क., उपसचिव केशव धामी र उपसचिव दुरा साउद सहित ४३ सदस्यीय कमिटी चयन भएको हो ।
आइतबार देखि सुरु भएकाे अधिवेशनले नयाँ नेतृत्व चयन गर्दै सङ्गठनलाई अझ बलियो बनाउने प्रतिबद्धता समेत व्यक्त गरेको छ।
पार्टीका नेताहरूले नव निर्वाचित टोलीलाई बधाई दिँदै सङ्गठन विस्तार, नीति कार्यान्वयन, र जनताको सेवा प्रवर्द्धन गर्न अपेक्षा व्यक्त गरेका छन्।
अधिवेशनले पार्टीलाई स्थानीय तहमा अझ सक्रिय बनाउँदै समाज रूपान्तरणमा योगदान पुर्याउने लक्ष्य लिएको छ।
डोटीमा राष्ट्रपति रनिङ सिल्ड प्रतियोगिता सुरु भएको छ।
जिल्लाको बडिकेदार गाउँपालिका–१ बिपिनगर स्थित केदार सूर्य बहुमुखी क्याम्पसको प्राङ्गणमा आज देखि सुरु भएकाे छ ।
जिल्ला खेलकुद समिति डोटीको आयोजनामा १५ औँ जिल्ला स्तरीय राष्ट्रपति रनिङ सिल्ड छनौट प्रतियोगिता शनिवार एक कार्यक्रमका बिच सुरु भएको हो।
कार्यक्रममा प्रमुख अतिथि सुदूरपश्चिम प्रदेशका मुख्यमन्त्री कमल बहादुर शाह, विशिष्ट अतिथि प्रदेश सभा सदस्य चक्र बहादुर मल्ल जिल्ला समन्वय समिति डोटीका प्रमुख लक्ष्मण बहादुर सिंह रहेका थिए।
त्यसैगरि अतिथिमा दिपायल सिलगढी नगरपालिका नगर प्रमुख बाजि सिंह खड्का ,शिखर नगर पालिकाका नगर प्रमुख दिर्घ बलायर, के.आई सिंह गाउपालिकाका अध्यक्ष लाेकेन्द्र बहादुर शाहि,पुर्विचाैकी गाउपालिका अध्यक्ष रामप्रसाद उपाध्याय ,सायल गाउपालिका अध्यक्ष , धर्मराज जाेशि,बाेगटानफुड्सिल गाउपालिका अध्यक्ष कमल गड्सिला ,जाेरायल गाउपालिका अध्यक्ष दुर्गादत्त ओझा, र बडिकेदार गाउँपालिका अध्यक्ष भैरव साउँद ,तथा स्थानीय जनप्रतिनिधि, शिक्षक, विद्यार्थी खेलाडी लगायतको सहभागिता रहेको थियो।
कार्यक्रम यही फागुन १९ गते सम्म सञ्चालन हुनेछ।
फागुन १२ डोटी
डोटीको बडीकेदार गाउँपालिकामा निःशुल्क आँखा शिविर सञ्चालन भइरहेको छ ।
आज सोमबार बडीकेदार गाउँपालिका वडा नम्बर ५ मार्कोटमा सञ्चालन भएको निःशुल्क आँखा शिविरको एक कार्यक्रमका बिच गाउँपालिकाकी उपाध्यक्ष डम्मरी विष्ट कलेलले उद्घाटन गरेकी हुन् ।
कार्यक्रमको उद्घाटन गर्दै उपाध्यक्ष कलेलले हाम्रो दुर्गम गाउँ बस्तीका दाजुभाइ दिदी बहीनीहरु आँखाको उपचार गर्न धनगढी जान नपरोस् केही सहजता होस भन्ने हेतुले निःशुल्क आँखा शिविर सञ्चालन गरेको बताइन् । आँखाको अप्रेसन लगायत थप उपचार गर्नुपर्ने अवस्था आएमा पालिकाले थप सहजीकरण गर्ने समेत उपाध्यक्ष कलेलले बताइन् ।
बडीकेदार गाउँपालिकाको आयोजना तथा धनगढी नेत्रालय प्रा.ली, च्यारीटी हेल्थ फाउन्डेसन नेपाल र पी एफ इ को साझेदारीमा सञ्चालन भइरहेको शिविरमा आँखाको मोतीबिन्दु, जनबिन्दु, आँखामा मासु पलाएको चेक जाँच का साथै आँखाको सम्पूर्ण चेकजाँच गरिने धनगढी नेत्रालय प्रा.लीका नेत्र सहायक अरुण चौधरीले बताए । शिविरमा चेकजाँच पश्चात् बिरामीहरूलाई निःशुल्क औषधी, चस्मा र अप्रेसन गर्नुपर्ने बिरामीलाई परामर्श दिने गरेको समेत नेत्र सहायक चौधरीले बताए ।
वडा नम्बर ५ मार्कोटमा पहिलो दिन सञ्चालन भएको शिविरमा २ सय २ जनाले सेवा लिएका छन् । जसमा ३७ जनाको आँखाको अप्रेसन गर्नुपर्ने देखिन्छ भने ३९ जनाले चस्मा प्रयोग गर्नुपर्ने अवस्था रहेको शिविरमा सहभागी नेत्र सहायक चौधरीले बताए ।
निःशुल्क आँखा शिविर सोमबार बडीकेदार गाउँपालिका वडा नम्बर ५ लानाकेदारेश्वर स्वास्थ्य चौकी मार्कोटमा सञ्चालन भएको थियो । भने त्यसै गरी १३ गते मङ्गलवार वडा नम्बर ३ घागल स्वास्थ्य चौकीमा, १४ गते बुधवार वडा नम्बर २ सडेखान स्वास्थ्य इकाई सडेखानमा, १५ गते बिहीबार वडा नम्बर ४ मान्नाकापडी स्वास्थ्य चौकी डिकेमनमा र १६ गते शुक्रवार वडा नम्बर १ बर्छैन स्वास्थ्य चौकी देवलीमा सञ्चालन हुने बडीकेदार गाउँपालिकाका स्वास्थ्य शाखा प्रमुख योगेन्द्र शाहीले बताए ।
आर्थिक बर्ष २०८२/०८३ काे लागि बेराेजगार ब्यक्तिहरुकाे निवेदन संकलनका बारे पालिकास्तरिय अभिमुखिकरण कार्यक्रम सम्पन्न भएकाे छ ।
श्रमकाे सम्मान ,राष्ट्रकाे अभियान ,प्रधानमन्त्री राेजगार कार्यक्रम अन्तरगत पालिकाका जनप्रतिनिधि ,वडा सचिवहरु र कर्मचारीहरुकाे सहभागीतामा कार्यक्रम भएकाे हाे ।
पुर्विचाैकी गाउपालिका राेजगार शाखाकाे आयाेजनामा साेमबार भएकाे कार्यक्रमकाे सभाध्यक्ष पुर्विचाैकी गाउपमलिका अध्यक्ष रामप्रसाद उपाध्याय रहनु भएकाे थियाे ।
कार्यक्रममा बाेल्ल्दै कार्यक्रमका सभाध्यक्ष तथा पालिका अध्यक्ष रामप्रसाद उपाध्यायले फाराम भर्न नजानेका कारण पाउनु पर्ने ब्यक्तिहरुले राेजगार नपाएकाे भन्दै वडामा फाराम भर्दा लक्षित समुहलाई मध्यनजर गर्दै ध्यान दिनु पर्ने भएकाले वडा सरकारले बुझेर फारम भर्न समेत आग्रह गरेका छन् ।
प्रधान मन्त्री राेजगार कार्यक्रम लाई थप बजेट समाबेश गरेर कार्यक्रम गर्दा प्रभावकारी देखिने भएकाे भन्दै आगामी दिनमा यसलाई ख्याल गरेर बजेट निर्माण गर्ने समेत बताए ।
गाउपालिकाले यहि फागुन १ गते न्युनतम राेजगारीमा संग्लन हुन निवेदन दिने सम्वन्धि सुचना प्रकासन गरे संगै वडामा गएर निवेदन दिनहुन राेजगार संयाेजक हरिभक्त साउदले बताए ।
डोटी, फागुन १०,
यसबर्षको १५ औं डोटी जिल्ला स्तरिय राष्ट्रपति रनिङ शिल्ड छनौट प्रतियोगिता बडीकेदार १ बिपीनगरमा फागुन १७ गतेदेखि हुने भएको छ ।
राष्ट्रिय खेलकुद परिषदको बार्षिक कार्यक्रम अनुसार डोटी जिल्ला खेलकुद समितिको आयोजनामा १५ औं डोटी जिल्ला स्तरिय राष्ट्रपति रनिङ शिल्ड छनौट प्रतियोगिता यहि फागुन १७ गतेदेखि १९ गतेसम्म संचालन हुने भएको डोटी जिल्ला खेलकुद समितिका अध्यक्ष प्रकाश शाहीले जानकारी दिएका छन् ।
फागुन ११ गते हुने भनिएको प्रतियोगिता बिविध कारणले केहि ढीला गर्नु परेको अध्यक्ष शाहीले बताए । प्रतियोगितामा आ–आफ्नो टीम सहभागी गराउन जिल्लाका नौ वटै पालिकालाई आग्रह समेत गरिएको छ ।
अछाम । अछाममा अटो रिक्साले ठक्कर दिँदा गम्भीर घाइते भएकी एक महिलाको उपचारका क्रममा मृत्यु भएको छ।
साँफेबगर नगरपालिका ७ रिडिकोटमा सडक पार गर्ने क्रममा अटोले ठक्कर दिँदा गम्भीर घाइते भएकी साेही ठाउँमा बस्ने ५५ वर्षीया जनक शाहको बयलपाटा अस्पतालमा उपचारको क्रममा मृत्यु भएको हो।
शुक्रबार दिउँसो साँफे-मंगलसैन सडक खण्डअन्तर्गत सु.प.प्र. ०१-००१ ४६२३ नम्बरको अटोले शाहलाई ठक्कर दिएको थियो।
ठक्करबाट गम्भीर घाइते भएकी शाहलाई उपचारको लागि न्याय हेल्थ अस्पताल बयलपाटा अछाममा लगिएको थियो । तर उपचारको क्रममा उनको मृत्यु भएको अछामका प्रहरी प्रमुख डिएसपी ईश्वरीप्रसाद भण्डारीले जानकारी दिए ।
घटनापछि अटो चालक जयगढ गाउँपालिका -४ का विशाल बोहरा र अटोलाई प्रहरीले नियन्त्रणमा लिएको छ। घटनाको थप अनुसन्धान भइरहेको जिल्ला प्रहरी कार्यालय अछामले जनाएको छ।
