डोटीको पूर्वीचौकी गाउँपालिका वडा नं.४ सानागाउमा एक दिने अभिमुखीकरण कार्यक्रम सञ्चालन भएको छ ।
राष्ट्रिय रोजगार प्रवर्द्धन कार्यक्रम अन्तरगत चालु आर्थिक वर्ष २०८२।०८३ मा प्राथमिकतामा परेका श्रमिकका लागी अभिमुखीकरण कार्यक्रम सञ्चालन गरिएको हो ।
पूूर्वीचौकी गाउँपालिका रोजगार सेवा केन्द्रको आयोजनामा भएको अभिमुखीकरण कार्यक्रममा श्रमिकले एक सय दिन सम्म गर्ने क्रियाकलाप पाउने सेवा सुभिदा गर्नु पर्ने कामको बारेमा जानकारी गराइएको रोजगार संयोजक हरिभक्त साउदले बताए ।
आर्थिक वर्ष २०८२।०८३ मा पूर्वीचौकी पालिका भरी ९१ जना श्रमिक प्राथमिकतामा परेका बताइएको छ ।
सबै नागरिक लाई न्यूनतम रोजगारीको प्रत्याभूति गराइ मौलिक हकको रूपमा रहेको रोजगारीको हक को कार्यान्वयन गर्ने,पारिश्रमिक मार्फत गरिबी न्यूनीकरण र सामाजिक संरक्षणमा योगदान पुर्याउने, स्थानीय स्तरमा विकास निर्माण कार्य मार्फत सामाजिक पुजी निर्माण गरी स्थानीय जनताको जीवन स्तर सुधार गर्ने उद्देश्यले राष्ट्रिय रोजगार प्रवर्द्धन कार्यक्रम सञ्चालनमा आएको हो ।
