ग्लोबल आई. एम. ई. बैंक पूर्विचाैकि शाखाले वित्तीय साक्षरता एवं डिजिटल बैंकिङ सचेतना कार्यक्रम सम्पन्न गरेको छ ।
बुधवार डोटीको पूर्विचाैकि गाउँपालिका वडा नं. ६ गाजरिमा रहेको शिशु सुधार माध्यमिक विद्यालयमा कार्यक्रम गरेकाे हो ।
विद्यार्थीहरूलाई पैसाको सही उपयोग, बचतको महत्त्व तथा अहिलेको डिजिटल युगमा डिजिटल बैंकिङ कारोबारमा कसरी सुरक्षित प्रयोग गर्न सकिन्छ भन्नेबारे कार्यक्रममा जानकारी गराइएको ग्लोबल आई. एम. ई. बैंक पूर्विचाैकि शाखा प्रमुख डबल बोहराले बताए ।
यो कार्यक्रम ग्लोबल आइएमई बैंकले आफ्नो सामाजिक उत्तरदायित्व (CSR) अन्तर्गत समुदायमा वित्तीय सचेतना अभिवृद्धि गर्ने उद्देश्यले सञ्चालन गरेको हो।
कार्यक्रममा कक्षा नौ र कक्षा दसका ६३ जना विद्यार्थीको उपस्थिति रहेको थियो ।
