डोटी: डोटीमा चट्याङ लागेर दुई जना महिला घाइते भएकी छन् ।जिल्लाको पुर्वीचौकी गाउँपालिका २ वाडीमा सोमबार साझ चट्याङ लागेर घाइते भएकी हुन । सोही वडामा बस्ने प्रेम सिंह साउदको श्रीमती वर्ष ४० कि देउमती साउद आफ्नै घरको झ्यालमा बसिरहेको बेला चट्याङ प्रदा घाइते भएकी थिइन ।
उनलाई पेट र अनुहारमा चोट लागेको अवस्था सिरियस रहेको जिल्ला प्रहरी कार्यालय डोटीले जानकारी दिएको छ । सोही क्रममा सँगै बसेकी बगलेक स्वास्थ्यचौकीमा अ. न. मि पदमा कार्यरत वर्ष ३६ कि अस्मिता ओलि विष्ट पनि चट्याङ लागेर घाइते भएकी छन् । उनको दाँया पाखुरामा चोट लागेको अवस्था भने मध्यम रहेको वताएको छ । उपचारका लागि दुबै जनालाई जिल्ला अस्पताल डोटीमा ल्याउँदै गरेको जि.प्र.का डोटीले जानकारी दिएको छ ।
