गणेश बहादुर मौनी
जेठ २२ डोटी
बडीकेदार गाउँपालिका वडा नम्बर ४ मान्नाकापडीमा रहेको केदारेश्वर आविको तिन कोठे भवन बडीकेदार गाउँपालिकाका अध्यक्ष भैरव बहादुर साउँदले बुधवार एक कार्यक्रमका बिच उद्घाटन गरेका छन् ।
गाउँपालिकाको दश लाख लागतमा निमार्ण गरिएको उक्त भवन गाउँपालिकाकी उपाध्यक्ष, प्रमुख प्रशासकीय अधिकृत, शिक्षा अधिकृत, स्थानीयवासी, सरोकारवालहरूको सहभागितामा उद्घाटन गरेका थिए ।
उद्घाटन कार्यक्रममा बोल्दै बडीकेदार गाउँपालिकाका अध्यक्ष भैरव बहादुर साउँदले विद्यालयको आवश्यकतालाई महसुस गरी भवन निमार्णमा सहयोग गरिएको बताए ।
उनले भने विद्यालयको भौतिक अवस्थाका साथसाथै शैक्षिक अवस्था सुधार गर्न आवश्यक रहेको समेत बताए । पालिकाले जुनसुकै विद्यालयको भए पनि वास्तविक समस्या र आवश्यकतालाई सम्बोधन हुने गरी सहयोग गरिने समेत बताए ।
कार्यक्रममा बोल्दै बडीकेदार गाउँपालिकाकी उपाध्यक्ष डम्मरी विष्ट कलेलले अहिलेको समय परिवेश अनुसार शैक्षिक गुणस्तरमा सुधार हुन पनि आवश्यक रहेको बताइन् । उनले भनिन शैक्षिक गुणस्तर सुधार गर्न शिक्षक मात्र नभई विद्यार्थी र अभिभावकको जिम्मेवारी पनि महत्त्वपूर्ण रहेकोले सबैले जिम्मेवार हुनुपर्ने बताइन् ।
कार्यक्रममा बोल्दै बडीकेदार गाउँपालिकाका प्रमुख प्रशासकीय अधिकृत शेर बहादुर बुढाले कार्यक्रममा अभिभावकको बाक्लो उपस्थिति रहेकोले विद्यालय प्रति अभिभावक पूर्ण जिम्मेवारी रहेको समेत बताए । भौतिक संरचनाका साथसाथै शैक्षिक गुणस्तर सुधारमा सबैको ध्यान जान आवश्यक रहेको बताए ।
विद्यालयको शैक्षिक गुणस्तर सुधार गर्न शिक्षकको कर्तव्यनिष्ठता अभिभावकको जिम्मेवारी र विद्यार्थीको अनुशासन अति आवश्यक रहेको बडीकेदार गाउँपालिकाका शिक्षा शाखा प्रमुख विवेक देउवाले बताए ।
विद्यालयको आवश्यकतालाई मध्यनजर गर्दै भवन निमार्ण गर्दा विद्यालयलाई, आम समुदायलाई फाइदा भएको केदारेश्वर आविका प्र अ मान बहादुर मौनीले बताए । आगामी दिनमा विद्यालयको आवश्यकतालाई मध्यनजर गरी सहयोग गरिदिन समेत पालिकालाई आग्रह गरेका थिए ।
विद्यालय व्यवस्थापन समितिका अध्यक्ष लाल बहादुर मौनी भवन निमार्णको प्रतिवेदन प्रस्तुत गर्दै कार्यक्रममा सहभागिताको लागि धन्यवाद समेत व्यक्त गरेका थिए ।
कार्यक्रममा गाउँपालिकाका अध्यक्ष, उपाध्यक्ष,प्रमुख प्रशासकीय अधिकृत, स्थानीय, नागरिक समाज लगाएको सहभागिता रहेको थियो । कार्यक्रमको सञ्चालक शिक्षक राम बहादुर मौनीले रहेका थिए ।
