डोटीको पुर्वीचौकी गाउँपालिका रोजगार सेवा केन्द्रले प्रधानमन्त्री रोजगार कार्यक्रममा सङ्लन उत्कृष्ट श्रमिक लाई सम्मान गरेको छ ।
श्रमको सम्मान, राष्ट्रको अभियान प्रधानमन्त्री रोजगार कार्यक्रम आफ्नै पौरख,आफ्नै गौरव अन्तरगत आज (शुक्रवार)सरोकार बालाहरू सँग पालिका स्तरीय एक दिने अन्तरक्रिया तथा सम्मान कार्यक्रमको आयोजन गरी सम्मान गरिएको हो ।
आर्थिक वर्ष २०८१।०८२ को स्वीकृत प्रधानमन्त्री रोजगार कार्यक्रम अन्तरगत एक सय दिनको रोजगारमा संलग्नका लगी छनोट भएका चौरासी जना मध्यबाट ७ जना उत्कृष्ट कार्य गर्ने श्रमिकलाई नगद दुई हजार रुपैयाँ सम्मान पत्र र दोसल्ला प्रदान गरी सम्मान गरिएको छ ।
पुर्वीचौकी गाउँपालिका अध्यक्ष रामप्रसाद उपाध्यायको अध्यक्षतामा भएको कार्यक्रममा गाउँपालिका उपाध्यक्ष पशुपति खड्का,प्रमुख प्रशासकीय अधिकृत देवीप्रसाद जोशी,वाड अध्यक्षहरू,राजनीतिक दलका प्रतिनिधि,विषयगत शाखाका प्रमुख तथा प्रतिनिधि,माध्यमिक विद्यालयका शिक्षकहरू,स्थानीय व्यवसायी लगायतको उपस्थितिमा कार्यक्रम सञ्चालन भएको थियो ।
गाउँपालिकामा रोजगारको क्षेत्रमा अवसर तथा सम्भावनाको पहिचान समस्याहरूको समाधान रोजगारी सिर्जनाका अवसरका विषयमा अन्तरक्रिया भएको थियो ।
