मंसिर २६
एकेन्द्र चन्द डोटी : सुदूरपश्चिम प्रदेशकै प्रमुख धार्मिक तथा पर्यटकीय स्थल बडीकेदार क्षेत्र पर्यटन विकास तथा व्यवस्थापन समितिको कार्यकारी अधिकृतमा गणेशराज जोशी नियुक्त भएका छन्।
सुदूरपश्चिम प्रदेशको उद्योग, पर्यटन, वन तथा वातावरण मन्त्रालयले डोटीको बडीकेदार गाउँपालिका निवासी जोशीलाई समितिको कार्यकारी अधिकृतमा नियुक्त गरेको हो।
मन्त्रीस्तरीय निर्णयानुसार बडीकेदार क्षेत्र पर्यटन विकास तथा व्यवस्थापन समिति (गठन) आदेश, २०७७ को दफा ६ को उपदफा (१) बमोजिमको कार्यकारी अधिकृत पदमा सोही गठन आदेशमा उल्लेखित सेवा सुविधा पाउनेगरी ४ वर्षका लागि जोशीलाई कार्यकारी निर्देशकमा नियुक्त गरिएको जनाइएको छ।
