नेपाल पत्रकार महासंघ डाेटीका अध्यक्ष प्रकाश बम सहित ४ जना सम्मानित भएका छन ।
शैलेश्वरी क्षेत्र विकास समिति डोटीले जिल्लाको विभिन्न क्षेत्रको विकासमा योगदान गरेको भन्दै ४ जनालाई सम्मान गरेको छ।
शनिवार शैलेश्वरी क्षेत्र विकास समितिले आफ्नो ५३ औँ वार्षिक साधारण सभा कार्यक्रममा पत्रकार ,मूर्तिकार तथा साहित्यकार धन बहादुर मल्ल, डोटी बहुमुखी क्याम्पसका प्रमुख दिलानन्द जोशी , डोटी स्थित भैरव प्रसाद गणका गणपति प्रमुख सेनानी परीक्षित देउजा र नेपाल पत्रकार महासंघ डोटीका अध्यक्ष प्रकाश बमलाई कदर पत्र र दोसल्ला सहित सम्मान गरेको हो।
सम्मानित हुने चार जनालाई शैलेश्वरी क्षेत्र विकास समितिका अध्यक्ष तथा शैलेश्वरी मन्दिरका मुख्य पुजारी प्रेम शंकर भट्टले सम्मान गरेका हुन् ।
